61 Digitale kwarts-horlosie. Hierdie spesifieke K21-5321B Hewlett Packard horlosie is 17 Julie 1975 vervaardig en is vir baie akkurate tydsbepaling by die WNNR en soortgelyke plekke gebruik. ‘n Kwartskristal het die vermoë om trillingsaksie akkuraat te herhaal en is daarom gebruik om die tyd te hou. Die tipiese ossilasie sal 32 768 hertz wees wat dan na sekondes herlei word. So ’n horlosie verloor dikwels skaars een sekondes oor baie jare. Links van die tyd-vertoonpaneel sit ’n 365-366 skakelaar vir skrikkeljaar.